اسلام آباد (رپورٽ: ايم بي سومرو) ڄامشوري ضلعي ۾ 12 سياستدان ڪروڙ پتي آهن جن مان ديارام 36 ڪروڙ 30 رپين جي اثاثن سان سڀ کان امير، ملڪ اسد سڪندر 26 ڪروڙ 29، سنڌ جو وڏو وزير سيد مراد علي شاهه 21 ڪروڙ 39 لک، سيد جلال محمود شاهه 3 ڪروڙ 37 لک جي اثاثن جو مالڪ آهي. تفصيل موجب 2018ع جي عام چونڊن جي نامزدگي فارمن ۾ اين اي 233 ڄامشورو تي اثاثا ظاهر ڪندي سنڌ يونائيٽيڊ پارٽي جي سربراهه سيد جلال محمود شاهه پاڻ کي ڪل 3 ڪروڙ 37 لک 29 هزار 457 رپين جي ماليت جي اثاثن جو مالڪ ڄاڻايو آهي، جن ۾ مانجهند ۾ 57 ايڪڙ زمين، 66 لک رپيا روڪ، 33 لک بينڪ بيلنس، 4 لک جو گهريلو سامان، 27 هزار رپين جا هٿيار. 64 لک 60 هزار جون گاڏيون، هڪ ڪروڙ 8 لک 90 هزار جو پٿر ڪريشنگ پلانٽ جو ڪاروبار، 89 لک 80 هزار رپين جي ماليت جي مختلف ملڪيت ظاهر ڪئي آهي.
ن ليگ جي ڪيسو مل کيئل داس ڪوهستاني جي اثاثن ۾ 15 لک جي ڪاروبار ۾ سيڙپ، 34 لک کان وڌيڪ جون گاڏيون، 14 تولا سون، 16 لک بينڪ بيلنس سميت هڪ ڪروڙ 16 لک 43 هزار 330 رپين، روشن علي ٻرڙو 3 ڪروڙ 17 لک 19 هزار 216 رپين، سعيد احمد 2 تولا سون، 2 لک جو بينڪ بيلنس، عبدالنبي شاهه 23 لک 38 هزار 93 رپين جي اثاثن جو مالڪ آهي، جن ۾ 50 تولا سون، 11 لک رپين جون گاڏيون، خانداني گهر ۾ 25 سيڪڙو حصو، 3 لک 50 هزار ماليت جي زمين شامل آهي، عبدالرحمان ميمڻ اثاثن ۾ 2 لک 10 هزار جو گهريلو سامان، 4 لک جو بينڪ بيلنس، 5 تولا سون، خانداني گهر، 20 ايڪڙ زمين، غلام عباس پيرزادو 2 لک بينڪ بيلنس، 15 تولا سون، گهر، اوپن پلاٽ، 52 ايڪڙ زرعي زمين، محمد صادق شورو هڪ ڪروڙ 29 لک 11 هزار 131 رپين، ملڪ پهاڙ خان 30 لک 15 هزار، شهمير گوپانگ 3 ايڪڙ زمين، 16 لک 20 هزار ماليت جو گهر ۽ پلاٽ، شجاع احمد راهوپوٽو 4 ڪروڙ 23 لک 97 هزار رپين جو مالڪ آهي، هن پنهنجي اثاثن ۾ 295 ايڪڙ زرعي زمين،48 لک روڪ، 83 لک بينڪ بيلنس، 50 تولا سون، 3 ڪڙو 5 لک ماليت جي مختلف پراپرٽي، 30 لک رپيا ماليت جي برف فيڪٽري ظاهر ڪئي آهي، سڪندر علي راهوپوٽو مجموعي طور 7 ڪروڙ 33 لک 32 هزار 931 رپين جي اثاثن جو مالڪ آ هي، جن ۾ 232 ايڪڙ زمين، 8 لک ماليت جا 5 هٿيار، 65 لک روڪ، 54 لک بينڪ بيلنس، 50 تولا سون، هڪ ڪروڙ 14 لک ماليت جون 5 گاڏيون، هڪ ڪروڙ 20 لک رپين جي ڪاروبار ۾ سيڙپ، 3 ڪروڙ 42 لک رپين جي مختلف پراپرٽي شامل آهي،
پي ايس 80 ڄامشورو هڪ تي سنڌ جي وڏي وزير سيد مراد علي شاهه پاڻ کي مجموعي طور تي 21 ڪروڙ 39 لک 18 هزار 499 رپين جي اثاثن جو مالڪ ڄاڻايو آهي، سندس اثاثن ۾ 466 ايڪڙ زرعي زمين، 18 ڪروڙ 54 لک بينڪ بيلنس، هڪ ڪروڙ 42 لک جون گاڏيون هڪ ڪروڙ 15 لک ماليت جو ڪراچي ۾ گهر ظاهر ڪيو آهي.
عبدالاحد ڪٽوهر هڪ لک رپيا روڪ، 80 هزار دڪان ۾ سيڙپ، عبدالعزيز راجپوت 5 تولا سون، 50 لک جو گهر، عبدالله بلوچ 34 ايڪڙ زمين، 4 ڪمرن تي ٻڌل بنگلو، 5 تولا سون، ايڊووڪيٽ عاشق حسين سونگي 5 لک 50 هزار رپين جو بينڪ بيلنس، 3 تولا سون، 35 لک جون گاڏيون، 60 لک رپين جي برف فيڪٽري، 3 لک جو پلاٽ، 20 لک ماليت جي زرعي زمين، اظهر حسين جمالي هڪ لک 20 هزار جو سون ۽ ٻيا اثاثا، غلام حسن قريشي 5 لک 38 هزار رپين جو بينڪ بيلنس، 60 هزار رپين جو اسلحو، 2 ڪروڙ رپين جي ماليت جي زرعي زمين، مير حسن پنهيار 66 لک جون گاڏيون، نثار احمد لنڊ 15 لک 80 هزار جو بينڪ بيلنس، 9 تولا سون، 18 لک جون گاڏيون، 15 لکن جي ڪاروبار ۾ سيڙپ، 30 لک رپين جي ماليت جو گهر ظاهر، سيد حيدر عباس شاهه 12 لک جي گاڏي، 5 لک رپيا بينڪ بيلنس، سيد محمد علي شاهه 111 ايڪڙ زرعي زمين ۽ ٻيا اثاثا، سيد نجف علي شاهه 15 ايڪڙ زرعي زمين کان سواءِ 15 لک 5 هزار 200 رپين جا اثاثا ظاهر ڪيا ويا آهن.
پي ايس 81 ڄامشورو 2 تي فارم ڀرائيندڙ عبدالله پالاري پاڻ کي 3 لک ماليت جي گهر، ملڪ چنگيز خان هڪ ڪروڙ 95 لک 39 هزار 770 رپين جي ماليت جو مالڪ ڄاڻايو آهي، وٽس 52 ايڪڙ زرعي زمين، 84 لک ماليت جي روڪ رقم ۽ بانڊ به آهن، ديارام پٽ آلو مل پاڻ کي ڪل 36 ڪروڙ 30 لک رپين جي اثاثن جو مالڪ ظاهر ڪيو آهي، وٽس 26 ڪروڙ رپين جي ڪاروبار ۾ سيڙپ، 25 ڪروڙ 17 لک 90 هزار جي گهرن ۾ 50 سيڪڙو حصو آهي، تڪ تان ڪامياب گيان چند عرف گيانو مل پٽ آلو مل ايسراڻي پاڻ کي 31 لک 89 لک 19 هزار جي ڪاروبار ۾ حصي سميت ڪل 17 ڪروڙ 47 لک 55 هزار رپين جي اثاثن جو مالڪ ڄاڻايو آهي. مير احمد پاڻ کي 8 لک 50 رپين جي ملڪيت، 8 تولا سون، 2 لک روڪ، 10 لک رپين جو بينڪ بيلنس، گهريلو سامان، صالح محمد 745 ايڪڙ زرعي زمين، 20 تولا سون، 5 لک روڪ، گهريلو سامان، ساڍا 4 لک جو ٽريڪٽر ۽ هٿيار، رابعه جوکيو پنهنجي اثاثن ۾ 86 هزار بينڪ بيلنس، 72 لک جون گاڏيون، سيونگ سرٽيفڪيٽ، 5 لک جو گهر ظاهر ڪيو آهي.
پي ايس 82 ڄامشورو 3 تي فارم ڀرائيندڙ لال محمد بروهي ساڍا 3 لک ماليت جو گهريلو سامان، 5 تولا سون، ڪاروبار جنهن جي هن سيڙپ جي رقم بابت تفصيل نه ڄاڻايا آهن، هن پنهنجي رهائشي گهر جي قيمت 50 لک رپيا ڄاڻائي آهي، ملڪ اسد سڪندر 26 ڪروڙ 29 لک 6 هزار 739 رپين جي ملڪيت جو مالڪ ڄاڻايل آهي، اثاثن ۾ 807 ايڪڙ زرعي زمين، 10 لک جا هٿيار، 150 کان وڌيڪ ٻڪريون ۽ رڍون، 11 ڪروڙ 59 لک 99 هزار جو بينڪ بيلنس، 18 لک روڪ، 60 تولا سون، 2 ڪروڙ 58 لک جون گاڏيون، غير زرعي زمين جي ڪل ماليت 7 ڪروڙ 32 لک ۽ زرعي ملڪيت جي ڪل ماليت 86 لک 79 هزار رپيا ڄاڻائي آهي. راهب علي کوسو 11 ايڪڙ زرعي زمين، 12 لک ماليت جا ٽريڪٽر، 30 هزار جي موٽرسائيڪل ڪل 62 لک 45 هزار رپين، سڪندر علي شورو 77 لک 85 هزار 874 رپين ۽ سهيل احمد شورو 91 لک 90 هزار 348 رپين جي اثاثن جو مالڪ ڄاڻايو آهي.
Comments
Post a Comment