خيرپور ۾ صدرالدين شاهه وٽ 45 ڪروڙن جا اثاثا،قائم راشدي ٻيو نمبر امير سياستدان صدرالدين شاهه راشدي 45 ڪروڙ 19 لکن جا اثاثا ڏيکاريا، وٽس برطانيا ۾ فليٽ، 100 تولا سون ۽ 508 ايڪڙ زرعي زمين آهي قائم شاهه راشدي وٽ 26 ڪروڙ 58 لک، منظور وساڻ وٽ 18 ڪروڙ 17 لک، اسماعيل راشدي 12 ڪروڙ کان وڌيڪ اثاثا ڏيکاريا Posted on April 29, 2019 (2:33 pm) اسلام آباد (رپورٽ: ايم بي سومرو) خيرپور ضلعي ۾ سيد صدر الدين شاهه راشدي 45 ڪروڙ رپين جي اثاثن سان سڀ کان امير سياستدان، سيد قائم شاهه راشدي ضلعي جو ٻيو نمبر وڌيڪ اثاثا رکندڙ سياستدان آهي. ان سلسلي ۾ 2018ع جي عام چونڊن دوران خيرپور ضلعي جي تڪ اين اي 208 خيرپور هڪ تي نامزدگي فارم ڀرائيندڙ اڳوڻي وفاقي وزير سيد پرويز علي شاهه اثاثن ۾ خيرپور ۾ رهائشي گهر جيلاني هائوس ظاهر ڪيو آهي، جنهن جي ماليت 3 ڪروڙ 60 لک رپيا آهي، ان کانسواءِ 20 لک 39 رپين جا 2 پلاٽ، ڪاروبار ۾ پاش بلڊر ۽ ڊولپرز ۾ 25 لک رپين سيڙپڪاري، 4 لک 65 هزار جو بينڪ بيلنس، 18 لک جو فرنيچر ۽ سامان سميت ڪل 4 ڪروڙ 23 لک 39 هزار رپين جي اثاثن جو مالڪ ڄاڻايو آهي. جڏهن ته هن ذاتي گاڏي ت...