اسلام آباد: ڄامشوري ضلعي ۾ غريب ۽ لک پتي سياستدان به آهن جن ۾ پي ايس 80 ڄامشورو هڪ تي فارم ڀرائيندڙ عبدالعليم پنهيار پنهنجي اثاثن ۾ 50 هزار بينڪ بيلنس، اعجاز علي لاشاري دڪانداري ۾ 50هزار سيڙپ، هڪ تولو سون، ڏيڍ لک جو بينڪ بيلنس، الطاف حسين بروهي 3 لک ماليت جو گهر، 50 هزار جي موٽرسائيڪل، 2 تولا سون، 3 لک 20 هزار رپين جو بينڪ بيلنس ظاهر ڪيو.
فهيم خاصخيلي پنهنجي اثاثن جا ڪي به تفصيل ناهن ڄاڻايا، مقبول پنهور پنهنجي اثاثن ۾ 90 هزار روڪ، 3 تولا سون، ۽ گهر، محمود الرحمان هاليپوٽو 10 لک رپين جي ماليت جو گهر، 4 تولا سون، 3 لک روڪ، قربان علي سولنگي 2 تولا سون، 4 لک رپيا بينڪ بيلنس ظاهر ڪيو.
پي ايس 81 ڄامشورو 2 تي فارم ڀرائيندڙ عبدالله پالاري 3 لک ماليت جو گهر، علي شير نوحاڻي 65 هزار جي موٽرسائيڪل، 20 هزار جا هٿيار، گلبهار پنهنجي اثاثن ۾ درزڪو دڪان، 2 تولا سون، 4 لک روڪ ظاهر ڪيو. جاويد اختر پنهنجي اثاثن ۾ ڄاڻايو آهي ته هو ڪرائي جي گهر ۾ رهي ٿو، ان وٽ هڪ تولو سون، 50 هزار بينڪ بيلنس آهي.
ميان خان 2 لک رپيا بينڪ بيلنس، 25 هزار رپين جي موٽرسائيڪل، ثمينه راجپوت اثاثن ۾ سيونگ سرٽيفڪيٽ ظاهر ڪيو آهي، جنهن جي ڪا ماليت نه ڄاڻائي آهي. پي ايس 82 ڄامشورو 3 تي فارم ڀرائيندڙ حق نواز پنهنجي اثاثن ۾ 2 لک رپين جو بينڪ بيلنس ظاهر ڪيو آهي،
اقبال مسيح 5 هزار رپيا روڪ، سيونگ سرٽيفڪيٽ، لياقت علي هڪ لک رپيا بينڪ بيلنس، ممتاز علي اڍائي لک رپيا، زوهير يوسف 8 لک 70 هزار رپيا، ثمينه پنهور پاڻ کي ڪل 40 هزار رپيا ظاهر ڪيا آهن جڏهن ته بختاور ملاڻو پنهنجي اثاثن ۾ ڪجهه به نه ڄاڻايو آهي.
Comments
Post a Comment