Khairpur politicians marriages

خيرپور جا 2 سياستدان 3-3 ۽ 8 سياستدان 2-2 شادين وارا

هڪ سياستدان پنهنجي اثاثن ۾ سبزي جو ريڙهو ڄاڻايو

Posted on April 29, 2019 (2:34 pm)

اسلام آباد: اين اي 209 خيرپور 2 تي فارم ڀرائيندڙ غلام مصطفيٰ پٽ ٻڍل خان جون ٻه شاديون ٿيل آهن، جن مان 6 ڌيئر ۽ 5 پٽ آهن. اين اي 210 خيرپور 3 تان چونڊيل ميمبر سيد جاويد علي شاهه جون 3 شاديون ٿيل آهن، جن ۾ سندس هڪ گهرواري ڊاڪٽر مهرين ڀٽو به شامل آهي، جيڪا به پڻ قومي اسيمبلي جي ميمبر آهي. جڏهن ته سندس پٽ سيد فهد علي شاهه جون ٻه شاديون ٿيل آهن. سيد سورج علي شاهه جون 2 شاديون ٿيل آهن، پي ايس 26 خيرپور هڪ تي فارم ڀرائيندڙ مرزا ڪٽوهر جو ٻه شاديون ٿيل آهن، کيس 10 ٻار آهن. پي ايس 27 خيرپور 2 تي فارم ڀرائيندڙ منظور وساڻ ۽ مريد حسين وساڻ جون ٻه-ٻه شاديون ٿيل آهن. پي ايس 28 خيرپور 3 تي فارم ڀرائيندڙ اسد علي شر جون 3 شاديون ٿيل آهن، پي ايس 28 خيرپور 3 تي فارم ڀرائيندڙ سيد شفيق احمد شاهه جون ٻه شاديون ٿيل آهن، پي ايس 30 خيرپور 5 تي فارم ڀرائيندڙ شاهنواز عباسي جون 2 شاديون ٿيل آهن، جن مان کيس 7 پٽن ۽ 4 نياڻين جو اولاد آهي.اسلام آباد: پي ايس 26 خيرپور هڪ تي فارم ڀرائيندڙ مير خان پنهنجي اثاثن ۾ ڄاڻايو آهي ته هو سبزي جو ريڙهو هڻي گذر سفر ڪري ٿو، جنهن ۾ 50 هزار رپين جي سيڙپ ٿيل آهي، جڏهن ته هن وٽ 40 هزار جي موٽرسائيڪل، 3 تولا سون، 2 لک 20 هزار بينڪ بيلنس آهي.